Ուկրաինայի և Ռուսաստանի քաղաքացիների մասնակցությամբ ավտովթար է տեղի ունեցել Բուլղարիայում

Բուլղարիայի Սևծովյան ափին տեղի ունեցած ճանապարհատրանսպորտային պատահարի հետևանքով տուժել են Ուկրաինայի և Ռուսաստանի քաղաքացիներ: Վթարի մասին հայտնում է ТАСС-ը՝ վկայակոչելով Վառնայի ոստիկանությունը:

Վթարը տեղի է ունեցել օգոստոսի 6-ի առավոտյան: Նախնական տեղեկություններով՝ Ուկրաինացի քաղաքացուհու վարած մեքենան դուրս է եկել հանդիպակաց երթևեկելի գոտի և բախվել ընդառաջ եկող մեքենային, որում եղել են երեք ռուսաստանցիներ: Բոլոր չորս տուժածները՝ մեկ տղամարդ և երեք կին, տեղափոխվել են հիվանդանոց: Այլ մանրամասներ չեն հաղորդվում: Ոստիկանությունը հետաքննում է վթարի հանգամանքները: