Հայտնի է դարձել Օզզի Օսբորնի մահվան պաշտոնական պատճառը
Պաշտոնական տվյալներով՝ բրիտանացի ռոք երաժիշտ, Black Sabbath խմբի հիմնադիր և մենակատար Օզզի Օսբորնի մահվան պատճառը եղել է սրտամկանի սուր ինֆարկտը։ Այս մասին հայտնում է The Sun-ը։
Մահվան պաշտոնական վկայագրում նշված է՝ «սրտամկանի սուր ինֆարկտ» և «հոսպիտալից դուրս սրտի կանգ»։ Որպես «ուղեկցող պատճառներ» նշված են՝ «սրտի իշեմիկ հիվանդություն» և «Պարկինսոնի հիվանդություն՝ վեգետատիվ խանգարումներով»։ Սրտի կանգի պահին Օսբորնը 76 տարեկան էր։
Լրագրողները հավելում են, որ վկայականում որպես գործունեության բնույթ նշված է՝ «ռոքի լեգենդ, երգերի հեղինակ և կատարող»։
Ավելի վաղ հաղորդվել էր, որ համաշխարհային ռոքի լեգենդ Օզզի Օսբորնին հուղարկավորել են իր կալվածքում՝ Բաքինհեմշիր կոմսությունում։ Դա եղել է երաժշտի վերջին ցանկությունը:
