Վերին Լարսի անցակետի հերթում ավելի քան 1000 բեռնատար կա
Վերին Լարսի անցակետով անցնելու համար ավելի քան 1000 հայկական բեռնատար է հերթագրվել։
Ըստ վերջին տվյալների` անցակետը հատելու համար 2889 տրանսպորտային միջոց է հերթագրված, որոնցից 1082-ը հայկական են։
Խցանումների պատճառը Ռուսաստանից եկող քաղաքացիների մեծ հոսքն է, որոնք Վրաստան և Հայաստան են ուղևորվում զբոսաշրջային նպատակներով: Սահմանը հատելու գործընթացը երբեմն մինչև 15 ժամ է տևում։
Հիշեցնենք, որ Մցխեթա-Ստեփանծմինդա-Լարս միջազգային մայրուղին Հայաստանը Ռուսաստանին կապող միակ գործող ցամաքային երթուղին է։
