Ճապոնիայի վարչապետն ԱՄՆ-ի հետ առևտրային գործարաքը փոխշահավետ է համարել
Ճապոնիայի վարչապետ Սիգերու Իսիբան կարծում է, որ Ճապոնիայի և ԱՄՆ-ի միջև առևտրային գործարքը շահավետ է երկու երկրների համար: Այս մասին նա խոսել է խորհրդարանի ստորին պալատի բյուջետային հանձնաժողովում տեղի ունեցած քննարկումների ժամանակ:
«Մենք կստեղծենք աշխատատեղեր ԱՄՆ-ում՝ միևնույն ժամանակ պահպանելով աշխատատեղերը Ճապոնիայում և աշխարհին տրամադրելով լավ ապրանքներ: Դրանք շահավետ հարաբերություն են երկու կողմերի համար էլ», – նշել է վարչապետը:
Հուլիսի 22-ին ԱՄՆ նախագահ Դոնալդ Թրամփը հայտարարել է Տոկիոյի հետ «մեծածավալ, հնարավոր է՝ ամենախոշոր գործարքի» կնքման մասին: Նրա խոսքով՝ Ճապոնիան ԱՄՆ-ում կներդնի 550 միլիարդ դոլար, իսկ ասիական երկրից ապրանքների մաքսատուրքերը կկազմեն 15%:
