«Աէրոֆլոտում» տեղեկատվական համակարգերը խափանվել են
Ռուսաստանի ազգային ավիափոխադրող «Աէրոֆլոտը» հայտարարել է, որ ավիաընկերության տեղեկատվական համակարգերում խափանում է առաջացել, ինչը կարող է ժամանակավորապես խաթարել ծառայությունների աշխատանքը, սակայն ընկերությունից չեն հայտնել խափանման ծավալի կամ հնարավոր պատճառների մասին։
Որոշ չվերթների ժամանակացույցում ակնկալվում են փոփոխություններ, այդ թվում՝ ուշացումներ և չեղարկումներ։
Ընկերությունը նշել է, որ մասնագետներն աշխատում են՝ նվազեցնելու չվերթների ժամանակացույցի վրա ազդեցությունը և վերականգնելու ծառայությունների բնականոն ընթացքը։
