Եվրահանձնաժողովի ղեկավարը գնահատել է ԱՄՆ-ի հետ առևտրային գործարքի հնարավորությունները
Եվրահանձնաժողովի ղեկավար Ուրսուլա ֆոն դեր Լայենը կիրակի օրը 50/50 է գնահատել ԱՄՆ նախագահ Դոնալդ Թրամփի հետ առևտրային գործարք կնքելու հնարավորությունները, հայտնում է Reuters-ը։
Ըստ նրա, ցանկացած համաձայնություն հիմնված կլինի արդարության և հավասարակշռության վերականգնման վրա։
Շոտլանդիայում Թրամփի հետ իր հանդիպման նախօրեին ֆոն դեր Լայենը ԱՄՆ նախագահին բնութագրել է որպես «կոշտ բանակցող և գործարքներ կազմակերպող»։
Նա ընդգծել է, որ եթե իրենք համաձայնության հասնեն, դա կլինի երբևէ իրենց կնքած ամենախոշոր գործարքը։
Հիշեցնենք, որ Թրամփը Շոտլանդիայում է ընտանեկան այցով։ Նա հիմնականում գոլֆ է խաղում իր ընտանիքին պատկանող տարածքում։
Միևնույն ժամանակ, երեկ ամբողջ երկրում տեղի են ունեցել Թրամփի այցի հակառակորդների բողոքի ցույցեր։
