Նեթանյահուն ՄԱԿ-ից պահանջել է դադարեցնել իր կառավարությանը Գազայի հումանիտար իրավիճակի համար մեղադրելը
Իսրայելի վարչապետ Բենիամին Նեթանյահուն կիրակի օրը կոչ է արել ՄԱԿ-ին դադարեցնել իր կառավարությանը Գազայի հումանիտար իրավիճակի համար մեղադրելը, այն բանից հետո, երբ զինվորականները բացել են անվտանգ երթուղիներ, հայտնում է AFP-ն։
«Անվտանգ երթուղիներ կան։ Դրանք միշտ եղել են, բայց այսօր սա պաշտոնական է։ Այլևս ոչ մի արդարացում չի լինի», – հայտարարել է Իսրայելի ղեկավարը ավիաբազա կատարած այցի ժամանակ։
Հիշեցնենք, որ Իսրայելի կառավարությանը Գազայում զանգվածային սովի համար խստորեն քննադատել են ոչ միայն ՄԱԿ-ը, այլև մոտ 100 միջազգային կազմակերպություններ և նույնիսկ երկրի որոշ դաշնակիցներ։
Ավելի վաղ Իսրայելը «մարդասիրական դադար» էր հայտարարել Գազայի երեք շրջաններում՝ միևնույն ժամանակ շարունակելով իր հարձակումը մյուսներում։
