
Մակրոնը պատմել է Էրդողանի հետ հեռախոսազրույցի մասին

Ֆրանսիայի նախագահ Էմանուել Մակրոնը X սոցիալական ցանցում հայտնել է Թուրքիայի նախագահ Ռեջեփ Թայիփ Էրդողանի հետ հեռախոսազրույցի մասին։
«Ես քիչ առաջ նախագահ Ռեջեփ Թայիփ Էրդողանի հետ քննարկել եմ իրավիճակը Գազայում և երկու պետությունների համակեցության հիման վրա կարգավորմանը նվիրված համաժողովի հեռանկարը։ Անհրաժեշտ է ամեն ինչ անել իսրայելցիների և պաղեստինցիների խաղաղության ու անվտանգության համար»,- գրել է նա։