Գերմանիան հաստատել է 40 միավոր «Eurofighter» կործանիչների արտահանումը Թուրքիա
Գերմանիայի նոր կառավարության կողմից ստեղծված Դաշնային անվտանգության խորհուրդը հաստատել է 40 միավոր «Eurofighter Typhoon» կործանիչների արտահանումը Թուրքիա: Շեշտվում է, որ Թուրքիան պարտավորվել է չօգտագործել այդ ռազմական ինքնաթիռները ՆԱՏՕ-ի դաշինքի մեկ այլ անդամ դեմ։ Այս մասին տեղեկացնում է ermenihaber.am-ը։
Նշենք, որ Անկարան վերոնշյալ կործանիչները ձեռք բերելու համար նախնական հարցում էր ներկայացրել 2023-ի մարտին։
«Eurofighter»-ը Գերմանիայի, Մեծ Բրիտանիայի, Իտալիայի և Իսպանիայի կողմից համատեղ արտադրվող կործանիչ է ու որպես կոնսորցիումի անդամ՝ այդ կործանիչների վաճառքը երրորդ երկրներին հնարավոր չէ առանց Գերմանիայի թույլտվության:
Նշվում է, որ եթե Թուրքիան պատվիրի այդ 40 միավոր կործանիչները, ապա գործարքի արժեքը կկազմի մոտավորապես 4.75 մլրդ եվրո։
Թուրքիայի նախագահ Ռեջեփ Թայիփ Էրդողանն օրերս նշել էր, որ առաջընթաց է գրանցվել կործանիչների գնման բանակցություններում։ Այդ գործարքին դեմ է հանդես եկել Հունաստանը։
