Կանադան 15 մլն դոլար կհատկացնի Ուկրաինային մատակարարված տանկերի վերանորոգման համար
Կանադայի իշխանությունները մտադիր են 20 միլիոն կանադական դոլար (մոտ 15 մլն դոլար) հատկացնել Ուկրաինային մատակարարված գերմանական «Լեոպարդ» տանկերի վերանորոգման համար։ Այս մասին հայտարարել է Կանադայի պաշտպանության նախարար Դեյվիդ ՄակԳինտին։
«Հանդիպման ժամանակ նախարար ՄակԳինտին հայտարարել է, որ Կանադան լրացուցիչ 20 միլիոն դոլար կտրամադրի Լեհաստանում «Լեոպարդ 2»-ի սպասարկման և վերանորոգման կայանին աջակցելու համար», – հայտնել է Կանադայի պաշտպանության նախարարությունը։
Բացի դրանից, հայտնի է, որ Կանադան լրացուցիչ 2 միլիարդ դոլար կհատկացնի Ուկրաինային, ինչպես խոստացել էր G7 գագաթնաժողովում։
