ԱՄՆ-ից Թուրքիա է վերադարձվել Մարկուս Ավրելիուսի արձանը
Թուրքիայի մշակույթի և տուրիզմի նախարար Մեհմեթ Նուրի Էրսոյը X-ում կատարած գրառմամբ տեղեկացրել է, որ Հռոմի կայսր Մարկուս Ավրելիուսի արձանը վերադարձվել է: Այս մասին տեղեկացնում է ermenihaber.am-ը։
Ըստ թուրք նախարարի գրառման՝ արձանը 1960-ականներին գողացվել է Թուրքիայի հարավ-արևմուտքում գտնվղ անտիկ Բուբոն քաղաքից և արդեն 65 տարի ի վեր ցուցադրվում է ԱՄՆ-ում:
Էրսոյը նշել է, որ արձանի վերադարձման համար գործադրվել են դիվանագիտկան ու իրավական ջանքեր։
«Դա պատմական ձեռքբերում է»,- գրել է նա։
Զուգահեռ նշվում է, որ արձանի վերադարձն իրականացվել է Նյու Յորք նահանգի Մանհեթթենի շրջանային դատախազության և ԱՄՆ ներքին անվտանգության նախարարության հետ համագործակցության արդյունքում:
Նախարար Էրսոյը նաև տեղեկացրել է, որ վերջին 7 տարում Թուրքիա է վերադարձվել 8.967 պատմական մշակութային կոթող։
