Մեծ Բրիտանիան ահազանգում է. Թուրքիայում արտադրվող «Love of Dubai» շոկոլադը վտանգավոր է
Մեծ Բրիտանիայի սննդի ստանդարտների գործակալությունը նախազգուշացում է տարածել Թուրքիայում արտադրվող «Neosis Schokolade Love of Dubai» ապրանքանիշի շոկոլադի վերաբերյալ, որը արտահանվում է Դուբայ։ Այս մասին տեղեկացնում է ermenihaber.am-ը։
Պատճառն այն է, որ շոկոլադը պարունակում է պիստակ, ինչը փաթեթավորման վրա նշված չէ։ Այս հանգամանքը վտանգ է ներկայացնում պիստակի նկատմամբ ալերգիա ունեցող մարդկանց համար։
Ըստ Մեծ Բրիտանիայի համապատասխան մարմնի հայտարարության՝ շոկոլադը ձեռք բերած անձանց խորհուրդ է տրվում այն ոչնչացնել տան պայմաններում և կապ հաստատել Բրիտանիայի տարածաշրջանային առևտրի ստանդարտների վարչության կամ Հյուսիսային Իռլանդիայում՝ շրջակա միջավայրի առողջապահական պատասխանատուների հետ։
Ինչպես հաղորդում է «Türkiye» թերթը, պիստակի տեղեկությունների բացակայությամբ ապրանքները դուրս են բերվում շրջանառությունից։ Հատկապես խնդրահարույց են համարվել 95 գրամանոց վաճառվող սալիկները, որոնք հետ են կանչվում ընկերության կողմից։
