Առաջիկա ժամերին Իսրայելի և Սիրիայի միջև իրավիճակի իրական լիցքաթափում է սպասվում. Ռուբիո
ԱՄՆ պետքարտուղար Մարկո Ռուբիոն հայտարարել է, որ «երկրի հարավ-արևմուտքում սիրիացի դրուզների և բեդվինների միջև կռիվները հանգեցրել են Իսրայելի և Սիրիայի կառավարությունների միջև թյուրըմբռնման», որի արդյունքում Իսրայելը զանգվածային ռմբակոծություններ է իրականացրել սիրիական ռեժիմի թիրախների վրա։
Ըստ նրա՝ «առաջիկա ժամերին սպասվում է լարվածության իրական լիցքաթափում»։
«Մենք գտնվում ենք իրական լարվածության թուլացման ճանապարհին, այնուհետև, հուսով ենք, կվերադառնանք Սիրիային օգնելու երկրի վերականգնման գործին և կհասնենք այն կետին, երբ Մերձավոր Արևելքը շատ ավելի կայուն կլինի», – Օվալաձև աշխատասենյակում լրագրողների հետ զրույցում ընդգծել է նա։
