«Վկաներին ծամծմված, նույնաբովանդակ հարցերով քննելը տպավորություն է ստեղծում, որ նիստերը միտումնավոր երկարաձգելու, ըստ այդմ կալանքի տակ հնարավորինս երկար պահելու նպատակ ունեն»
Մերի Հարությունյանը ֆեյսբուքյան իր էջում տարածել է այսօրվա դատական նիստից արված Արմեն Աշոտյանի այս լուսանկարը՝ գրելով. «Նիկոլի բռնապետական ռեժիմի կողմից շինծու քրեական գործով ակնհայտ քաղաքական հետապնդման ենթարկվող Արմեն Աշոտյանը շարունակում է երկու տարուց ավելի մնալ անազատության մեջ:
Նախորդ նիստին ոստիկանությունը, իբր, ռեսուրս չունենալու զավեշտալի պատճառով կալանքի տակ գտնվող Աշոտյանին չբերեց դատական նիստի, որի պատճառով նիստը չկայացավ:
Վաղուց այլևս տաղտկալի դարձած, վկաներին ծամծմված, նույնաբովանդակ, հաճախ նաև բովանդակազուրկ հարցերով քննելը տպավորություն է ստեղծում, որ նիստերը միտումնավոր երկարաձգելու, ըստ այդմ կալանքի տակ հնարավորինս երկար պահելու նպատակ ունեն:
📍Այսօր հերթական վկայի հարցաքննությունն է:
Քաղաքական բանտարկյալ Արմեն Աշոտյանը հերթական օրն է անցկացնում անազատության մեջ»:
