Երևանի «Ֆլորենս» ռեստորանում քննչական գործողություններ են կատարվում. ՔԿ
Երևանում փակվել է «Ֆլորենս» ռեստորանը։ ՀՀ քննչական կոմիտեից Sputnik Արմենիային հայտնեցին, որ ռեստորանում քննչական գործողություններ են իրականացվում։
«Խուլիգանության դեպքի առթիվ նախաձեռնված քրեական վարույթի նախաքննության ընթացքում կատարվում են քննչական գործողություններ»,- տեղեկացրին ՔԿ-ից:
ԶԼՄ-ները գրում են, որ հուլիսի 15-ին իրավապահ մարմինները հատուկ գործողություն են իրականացրել «Ֆլորենս» ռեստորանում, որը վերագրվում է ՀՀ նախկին վարչապետ Կարեն Կարապետյանին։ Ականատեսների խոսքով՝ տարածք են մուտք գործել մեծ թվով ոստիկաններ, ընդհատել ռեստորանում ընթացող մասնավոր միջոցառումը, դուրս բերել հյուրերին և ամբողջովին փակել օբյեկտը։
Ըստ շրջանառվող լուրերի` ռեստորանի սեփականատերերը որևէ կապ չունեն դեպքի հետ։
