Ադրբեջանը կշարունակի օգնություն ցուցաբերել Ուկրաինային

Հուլիսի 10-11-ը Ադրբեջանի փոխարտգործնախարար Յալչին Ռաֆիևի գլխավորած պատվիրակությունը մասնակցել է Հռոմում անցկացված Ուկրաինայի վերականգնմանը նվիրված խորհրդաժողովին, հաղորդում է Ադրբեջանի ԱԳՆ-ն։

Ռաֆիևը նշել է, որ Ուկրաինայում պատերազմը լուրջ վնաս է հասցրել տարածաշրջանի խաղաղությանը և անվտանգությանը։

Նա ընդգծել է, որ հակամարտության առաջին օրերից ի վեր Ադրբեջանն աջակցել է Ուկրաինայի ինքնիշխանությանը և տարածքային ամբողջականությանը։

Ռաֆիևը վստահեցրել է, որ Ադրբեջանը կշարունակի երկկողմանի հիմունքներով օգնություն ցուցաբերել Ուկրաինային։