Իրանը հերքել է ԱՄՆ-ի հետ հանդիպում խնդրելու մասին Թրամփի հայտարարությունը
Իրանի արտաքին գործերի նախարարության պաշտոնական ներկայացուցիչ Էսմայիլ Բաղային հերքել է Միացյալ Նահանգների նախագահ Դոնալդ Թրամփի հայտարարությունն այն մասին, թե իրանական կողմը հանդիպում է խնդրել ամերիկյան կողմի հետ։
«Մեր կողմից որևէ հարցում չի եղել ամերիկյան կողմի հետ հանդիպման վերաբերյալ»,-այս մասին Բաղային ասել է Իրանի պետական հեռուստառադիոընկերությանը։
Ավելի վաղ Միացյալ Նահանգների ղեկավարը հայտարարել էր, թե իրանական կողմը հանդիպում է խնդրել։
Թրամփի հատուկ բանագնաց Սթիվեն Ուիթքոֆն էլ լրագրողներին հայտնել էր, որ հանդիպումը կարող է կայանալ արդեն հաջորդ շաբաթ։
