Եկատերինբուրգում սպանված ադրբեջանցիները հայ զինծառայող Գուրգեն Մարգարյանին կացնահարած Ռամիլ Սաֆարովի զարմիկնե՞րն են
Հայտնի բլոգեր Ալեքսանդր Լապշինը ֆեյսբուքյան իր էջում ուշագրավ տեղեկություն է հայտնել: Նրա տեղեկություններով` Եկատերինբուրգում սպանված ադրբեջանցիները հայ զինծառայող Գուրգեն Մարգարյանին կացնահարած Ռամիլ Սաֆարովի զարմիկներն են:
Միեւնույն ժամանակ Լապշինը նաեւ նշել է, որ Սաֆարով եղբայրները 2020թ. փորձել են իր դեմ մահափորձ կազմակերպել: Պատվերը նրանք ստացել են Եկատերինբուրգի քրեական հեղինակություններից մեկի կողմից, որին էլ այդպիսի հրահանգ է տվել Ադրբեջանի պետական անվտանգության ծառայության ղեկավար Ալի Նագիեւը։
Հիշեցնենք, որ հունիսի 27-ին Եկատերինբուրգում ադրբեջանցիների բնակարաններում ռուս իրավապահների գործողություններն են իրականացրել` ավելի քան տասնամյա վաղեմության սպանության հետքերով։ Հաղորդվեց տասնյակ ձերբակալվածների մասին։
Ըստ ադրբեջանական կողմի՝ իրավապահների գործողությունների ընթացքում սպանվել են երկու եղբայրներ՝ Զիյադին եւ Հուսեյն Սաֆարովները, եւս մի քանիսն էլ հոսպիտալացվել են։ Զոհված ադրբեջանցիների մարմիններն այսօր Բաքու են տեղափոխվել։
