Հայաստանում տեղի ունեցող իրադարձությունները երկրի ներքին գործն են. Ղազախստանի ԱԳՆ ներկայացուցիչ
Ղազախստանի արտաքին գործերի նախարարության պաշտոնական ներկայացուցիչ Այբեկ Սմադիյարովն անդրադառնալով ներհայաստանյան զարգացումներին՝ ընդգծել է, որ դրանք երկրի ներքին գործն են: Նա այս մասին գրառում է կատարել Ղազախստանի ԱԳՆ տելեգրամյան ալիքում:
«Իրադարձությունները Հայաստանում՝ երկրի ներքին գործն են: Ղազախստանը բարեկամության և ռազմավարական գործընկերության ոգով լիարժեք համագործակցություն է զարգացնում Հայաստանի հետ: Գնահատում ենք մեր երկրների միջև ձևավորված փոխադարձ վստահության մթնոլորտը: Հայ ժողովրդին մաղթում ենք հանգստություն և բարգավաճում»,- գրել է Այբեկ Սմադիյարովը:
