11 երկիր դադարեցրել է Վրաստանի դիվանագիտական անձնագրերով առանց վիզայի մուտքը
Վրաստանի դիվանագիտական և աշխատանքային անձնագրերի տերերը պարտավոր են վիզա ստանալ Եվրամիության մի շարք երկրներ մուտք գործելու համար։ Այս մասին գրում է aliq.ge-ն։
Նոր սահմանափակումների մասին տեղեկությունը նախ հաստատել է «Վրացական երազանք»-ի կառավարության վարչապետ և նախագահ Իրակլի Կոբախիձեն, ապա՝ խորհրդարանի խոսնակ Շալվա Պապուաշվիլին։
Euroscope առցանց լրատվամիջոցը հաղորդել է, որ սահմանափակումներ են կիրառվել Եվրամիության մի շարք երկրներում՝ Ռումինիայում, Բուլղարիայում, Լատվիայում, Լիտվայում, Էստոնիայում, Լյուքսեմբուրգում, Նիդերլանդներում, Ֆրանսիայում, Բելգիայում և Իտալիայում։
Վրացական դիվանագիտական անձնագրերով Եվրամիությունում առանց վիզայի ռեժիմի կասեցումը համընկավ Վրաստանում եվրոպամետ բողոքի ցույցերին, որոնց հիմնական պահանջներն են նոր խորհրդարանական ընտրությունների անցկացումը և ձերբակալված ցուցարարների ազատ արձակումը։ Բողոքի ցույցերն սկսվել են «Վրացական երազանք»-ի 2024 թվականի նոյեմբերի 28-ի որոշումից հետո, ըստ որի` Վրաստանը ԵՄ֊ի հետ բանակցություններ չի վարի մինչև 2028 թվականի ավարտը։
