Իսրայելում նախազգուշացրել են բնակիչների համար անվտանգության սպառնալիքի պահպանման մասին
Իսրայելի քաղաքացիների համար անվտանգության սպառնալիքը պահպանվում է նույնիսկ Իրանի հետ հրադադարի ուժի մեջ մտնելուց հետո:
Այս մասին հայտարարել է Իսրայելի պաշտպանության բանակի (ԻՊԲ) ներկայացուցիչ բրիգադի գեներալ Էֆի Դեֆրինը։
«Հարկավոր է պահպանել ավելի վաղ տրված հրահանգները, վտանգը պահպանվում է», – նրա ելույթից հատվածներ է տարածել ԻՊԲ մամուլի ծառայությունը։
ԻՊԲ ներկայացուցիչը նշել է, որ իսրայելցի զինվորականները մնում են լիակատար մարտական պատրաստության վիճակում, եթե անհրաժեշտ լինի պատասխան տալ հրադադարի ռեժիմի որևէ խախտման։
Լույս հունիսի 24-ի գիշերը ԱՄՆ նախագահ Դոնալդ Թրամփը հայտարարել է Իսրայելի և Իրանի միջև հրադադարի ռեժիմի ուժի մեջ մտնելու մասին։
Իրանական և իսրայելական կողմերը հաստատել են հրադադարի մասին համաձայնության ձեռք բերումը: Այնուամենայնիվ, այս հայտարարություններից հետո Իսրայելն Իրանին մեղադրել է հրադադարի ռեժիմը խախտելու մեջ, ինչը Թեհրանը հերքել է:
