Իսրայելի ղեկավարությունը հրահանգել է ուժեղացնել հարվածներն Իրանում ռազմավարական թիրախներին
Իսրայելի վարչապետ Բենիամին Նեթանյահուն և պաշտպանության նախարար Իսրայել Կացը հրահանգել են Իսրայելի զինված ուժերին ուժեղացնել հարվածներն Իրանում ռազմավարական թիրախներին՝ հունիսի 19-ին Իսրայելի տարբեր քաղաքների վրա Իրանի կողմից բալիստիկ հրթիռների վերջին ալիքն արձակելուց հետո։
Այս մասին X սոցիալական հարթակում հայտարարել է Իսրայելի ՊՆ ղեկավարը՝ հղում անելով Իրանի գերագույն առաջնորդ Այաթոլլա Ալի Խամենեիին։
«Վարչապետը և ես հրահանգել ենք Իսրայելի պաշտպանության բանակին ուժգնացնել հարվածների ինտենսիվությունն Իրանում ռազմավարական և Թեհրանում կառավարական նշանակետերի դեմ՝ Իսրայելի Պետության առջև ծառացած սպառնալիքները վերացնելու և այաթոլլաների ռեժիմը ապակայունացնելու նպատակով», – ասել է նա։
Կացը դատապարտել է Իրանի հարվածներն Իսրայելի բնակելի շենքերին և հիվանդանոցներին՝ դա անվանելով «պատերազմական հանցագործությունների ամենածանր ձև»։
«Խամենեին պատասխանատվություն կկրի իր հանցագործությունների համար», հավելել է Կացը։
