Թուրքիայի ԱԳ նախարարը և ՆԱՏՕ-ի գլխավոր քարտուղարը քննարկել են Ուկրաինայի հարցի կարգավորումը․ ТАСС
Թուրքիայի ԱԳ նախարար Հաքան Ֆիդանը հեռախոսով քննարկել է ՆԱՏՕ-ի գլխավոր քարտուղար Մարկ Ռյուտեի հետ Ուկրաինայի հարցի կարգավորումը։ Այս մասին ТАСС-ին հայտնել են թուրքական նախարարության աղբյուրները։
«Զրույցի ընթացքում քննարկել են Ուկրաինայի և Ռուսաստանի միջև պատերազմի դադարեցմանն ուղղված ջանքերը», – նշել են աղբյուրները։
Ըստ նրանց տվյալների, Ֆիդանն ու Ռյուտեն նաև անդրադարձել են ՆԱՏՕ-ի գագաթնաժողովի նախապատրաստմանը, որը կկայանա հունիսի 24-25-ին Հաագայում։
