Շվեյցարիան միացել է ԵՄ-ի հակառուսական պատժամիջոցների 17-րդ փաթեթին
Շվեյցարիայի Համադաշնությունը ավանդաբար միացել է Եվրամիության հակառուսական սահմանափակումների 17-րդ փաթեթին և ընդլայնել է պատժամիջոցների ցանկը։ Ինչպես տեղեկացնում է «ՌԻԱ Նովոստի»-ն, այդ մասին ասված է երկրի տնտեսական հարցերով պետական քարտուղարության հրապարակած փաստաթղթերում։
«Պատժամիջոցներն ուժի մեջ են մտնում 03.06.2025 թվականից», – ասվում է համապատասխան հրամանագրում։
Շվեյցարիայի կառավարության կայքում հրապարակված հաղորդագրության համաձայն՝ թարմացված պատժամիջոցների ցանկում ներառված են 17 անհատ, 58 կազմակերպություն, ինչպես նաև 189 նավ և 31 ձեռնարկություն:
Մայիսի 20-ին Եվրամիությունը հաստատել էր հակառուսական պատժամիջոցների 17-րդ փաթեթը։
Ավելի վաղ Եվրահանձնաժողովի ղեկավար Ուրսուլա ֆոն դեր Լեյենը հայտարարել էր, որ Բրյուսելը մտադիր է շարունակել Ռուսաստանի դեմ պատժամիջոցներ կիրառելը։ 18-րդ փաթեթի համար քննարկվող միջոցառումների թվում ֆոն դեր Լեյենը նշել է «Հյուսիսային հոսք» գազատարների դեմ պատժամիջոցները, ինչպես նաև ֆինանսական ոլորտում, այդ թվում՝ երրորդ երկրների բանկերի նկատմամբ նոր սահմանափակումները։
