Արթուր Դավթյանը՝ մարմնամարզության Եվրոպայի եռակի չեմպիոն

Հայաստանի սպորտային մարմնամարզության հավաքականի առաջատար, Օլիմպիական խաղերի արծաթե և բրոնզե մեդալակիր, աշխարհի չեմպիոն Արթուր Դավթյանը կարիերայում երրորդ անգամ հռչակվել է նաև Եվրոպայի չեմպիոն:

Գերմանիայի Լայպցիգ քաղաքում ընթացող առաջնության հենացատկի եզրափակչում Դավթյանը փայլուն ցատկով հավաքել է 14,799 միավոր և դարձել ոսկե մեդալակիր: