Վարդան Մինասյանը հեռացավ «Արարատ-Արմենիայից»
Վարդան Մինասյանը և իր մարզչական շտաբը՝ Արտակ Օսեյանը, Արթուր Մկրտչյանն ու Դենիս Զմեուն, ավարտում են իրենց առաքելությունն «Արարատ-Արմենիայում», հաղորդում է երեւանյան ակումբի ֆեյսբուքյան էջը։
«Հենց նրանց ղեկավարությամբ է մեր ակումբը հասել աննախադեպ բարձունքների՝ դառնալով Հայաստանի կրկնակի չեմպիոն ու կրկնակի սուպերգավաթակիր, նվաճելով Հայաստանի գավաթը։
Բայց թվերն ամենը չեն արտահայտում։
Նրանք մեր պատմության անբաժան մասն են ու միշտ կլինեն «Արարատ-Արմենիայի» մասնիկը՝ անկախ ճանապարհներից, որոնք բացվելու են իրենց առջև։
Շնորհակալություն ձեր նվիրումի, պրոֆեսիոնալիզմի և սրտացավության համար։
Ձեր թողած ժառանգությունը կմնա մեր ակումբի պատմության մեջ՝ որպես ոգեշնչման աղբյուր ապագա սերունդների համար։
Ձեզ մաղթում ենք նորանոր հաջողություններ և վստահ ենք, որ ձեր ճանապարհը լի կլինի նոր հաղթանակներով։
Շնորհակալություն ամեն ինչի համար։
Դուք մեզ հետ եք։ Միշտ»,- նշվում է ակումբի հաղորդագրությունում։
«Արարատ-Արմենիան» Հայաստանի Պրեմիեր լիգայում գրավեց երկրորդ տեղը։
