Վրացի առաջին ալպինիստուհին նվաճել է Էվերեստը
Վրացի ալպինիստուհի Ալինա Գամսախուրդիան նվաճել է ծովի մակարդակից 8848 մ բարձրությամբ աշխարհի ամենաբարձր լեռը՝ Էվերեստը:
Ալինա Գամսախուրդիան սոցցանցերում գրել է, որ դարձել է պատմության մեջ առաջին վրացի կինը, որը նվաճել է Էվերեստը։
«2025 թվականի մայիսի 18-ին, Նեպալի ժամանակով ժամը 9:10-ին, ես կանգնած էի մոլորակի ամենաբարձր կետում՝ Էվերեստ լեռան վրա, և ամբողջ մոլորակը բացվեց իմ առջև։ Սա իմ ամենամեծ երազանքն էր, և դրան հասնելու ճանապարհին ես դարձա պատմության մեջ առաջին վրացի կինը, որը բարձրացավ Էվերեստ»,- գրել է Գամսախուրդիան։
