Ստամբուլում 4 բալ ուժգնությամբ երկրաշարժ է գրանցվել
Թուրքիայի աղետների և արտակարգ իրավիճակների վարչության փոխանցմամբ՝ մայիսի 20-ին Ստամբուլում 4 բալ երկրաշարժ է գրանցվել: Այս մասին տեղեկացնում է ermenihaber.am-ը։
Նշվում է, որ 8.16 կմ խորությամբ ցնցման էպիկենտրոնը եղել է Ստամբուլի Բյույուքչեքմեջե շրջանից 23 կմ հեռավորության վրա:
Թուրքական տեղական լրատվամիջոցները հայտնում են, որ երկրաշարժի հետևանքով դեպք-պատահարների վերաբերյալ ահազանգեր չեն եղել:
