Լև Յաշինը ճանաչվել է պատմության լավագույն դարպասապահ. IFFHS
Մոսկվայի «Դինամո»-ի» և ԽՍՀՄ հավաքականի նախկին դարպասապահ Լև Յաշինը Ֆուտբոլի պատմության և վիճակագրության միջազգային ֆեդերացիայի (IFFHS) կողմից ճանաչվել է պատմության լավագույն դարպասապահ, հայտնում է sportbox.ru-ն:
Վարկանիշի երկրորդ տեղը զբաղեցրել է իտալացի Ջանլուիջի Բուֆոնը, երրորդը՝ գերմանացի Մանուել Նոյերը։
Յաշինը ԽՍՀՄ հավաքականի կազմում եղել է 1956 թվականի օլիմպիական և 1960 թվականի Եվրոպայի չեմպիոն։ Յաշինը պատմության մեջ միակ դարպասապահն է, ով արժանացել է «Ոսկե գնդակին»:
«Դինամո»-ի կազմում դարպասապահը դարձել է ԽՍՀՄ հնգակի չեմպիոն և երեք անգամ նվաճել երկրի գավաթը։ 2019 թվականից ֆրանսիական France Football ամսագիրը, «Ոսկե գնդակ»-ի հետ մեկտեղ, տարվա լավագույն դարպասապահին շնորհում է Լև Յաշինի անվան մրցանակը։
