Ռուս-ուկրաինական բանակցությունները կարող են վերսկսվել ուրբաթ օրը. AFP
Ռուս-ուկրաինական բանակցությունների վերսկսումը «հնարավոր» է ուրբաթ օրը, բայց այս փուլում «չի նախատեսվում», AFP-ին ասել է բանակցություններին ծանոթ ուկրաինացի բարձրաստիճան պաշտոնյան։
«Հնարավոր է, որ այսօր ինչ-որ բան պատահի», – ասել է աղբյուրը, – «բայց դեռ ոչինչ նախատեսված չէ»։
«Մեր թիմերը պատրաստ են աշխատել այնքան ժամանակ, որքան անհրաժեշտ է», – հավելել է նա՝ ափսոսանք հայտնելով ռուսական պատվիրակության «թույլ» կազմի համար, որը, իր խոսքերով, չկարողացավ «կարևոր որոշում կայացնել պատերազմը դադարեցնելու համար»։
