Քանդելուդ գործը սկսել ես երեխաներից՝ տերերիդ պատվերով. Արմեն Հովասափյան
Արմեն Հովասափյանը ֆեյսբուքյան իր էջում գրել է․
«Մի ժամանակ մեկը կար, ով իրեն մեջտեղից ճղում էր՝ պոպուլիստական դոզաներով ամեն ինչ մարդկանց աչքում դոեմոնիզացնում՝ հայտարարելով, թե «էսինչ բանը պոզով-պոչով ա լինո՞ւմ»:
Հիմա դա արդեն յոթ տարի լոմը ձեռքին, հետևողականորեն քանդում է ամեն ինչ՝ անվերջ խոսելով «ձեռքբերումներից», «աննախադեպերից» ու «ապագայից»: Ասում եմ՝ տես, դպրոցներն ի՞նչ վիճակի անտերխանա ես դարձրել։ Քանդելուդ գործը սկսել ես երեխաներից՝ տերերիդ պատվերով։
Կրթական ծրագիրը աղավաղեցիր, փորձառու ուսուցիչներին մղեցիր համակարգից դուրս, պատմությունն ու գրականությունը խեղեցիր, իսկ հիմա արդեն դպրոցում թմրանյութ են շրջանառում՝ 4-րդ դասարանցիների շրջանում։
Սրա մասին ի՞նչ կասես, ո՞նց կմեկնաբանես այ «մեծարգո»: Դրա փոխարեն դուք շարունակեք տարածել անմեղ դատապարտող հայտարարություններ, որոնց ընթերցելիս աչքերս լցվում են։
Ասեմ՝ քո կառուցած 300 դպրոցներն ընդամենը շենքեր են, իսկ կրթության բովանդակությունը դու պարզապես ստերջացրեցիր»:
