Այս անօրինական կաշառակերությունը պետք է դադարեցվի․ Ադամ Շիֆը՝ Թրամփի մեմքոյինների բիզնեսի ու հնարավոր շահերի բախման մասին
«Թրամփի մեմքոյնների խաբեությունը թույլ է տալիս օտարերկրացիներին ազդել ԱՄՆ քաղաքականության վրա՝ ուղղակիորեն գումար դնելով նրա գրպանը»,- այս մասին իր ֆեյսբուքյան միկրոբլոգի էջում գրել է ԱՄՆ Կոնգրեսի Ներկայացուցիչների պալատ անդամ Ադամ Շիֆը՝ կիսվելով Bloomberg-ի վերջին վերլուծությամբ, որում ասվում է, որ Թրամփի հետ ընթրիքի կամ Սպիտակ տանը շրջելու համար պայքարող խոշորագույն Trumpcoin-ների տերերի մեծ մասն օտարերկրացիներ են։
Շիֆը մասնավորապես գրել է, որ օտարերկրյա քաղաքացիներին արգելվում է ներդրում կատարել Դոնալդ Թրամփի արշավին, իսկ մեմքոյնների խաբեությունը թույլ է տալիս ազդել ԱՄՆ քաղաքականության վրա։ «Այս անօրինական կաշառակերությունը պետք է դադարեցվի»,- նշել է Շիֆը։
Նշենք, որ ԱՄՆ սենատորները մտադիր են բացահայտել շահերի բախումը և ԱՄՆ նախագահի կողմից օրենքի հնարավոր խախտումները՝ կապված կրիպտոարժույթի նախագծերում նրա ներգրավվածության հետ։ ԱՄՆ դեմոկրատ սենատորները հետաքննություն են սկսել ԱՄՆ նախագահ Դոնալդ Թրամփի կրիպտոարժույթների հետ կապերի և նրա մեմքոյնի թողարկման ուղղությամբ։ Այս ֆոնին ամերիկյան լրատվամիջոցներում Թրամփի կրիպտո բիզնեսի թեմայով հրապարակումների ալիք է։ Գրեթե միաժամանակ, 24 ժամվա ընթացքում, հրապարակվեցին CNBC-ի, Financial Times-ի (FT) հետաքննությունները այս թեմայով, որոնց հաջորդեցին դեմոկրատ սենատորների հայտարարությունները։
Bloomberg–ը գրում է, որ Trump մեմքոյնի խոշորագույն տերերի կեսից ավելին օգտագործում են արտասահմանյան բորսաներ, որոնք պնդում են, որ արգելում են ԱՄՆ օգտատերերին, ինչից կարելի է ենթադրել, որ շատ գնորդներ գտնվում են Միացյալ Նահանգներից դուրս: Ըստ լրատվամիջոցի, պաշտոնական կայքի վարկանիշային աղյուսակում ներկայացված թոփ 25 թրամփքոյն ունեցողների շարքում բոլորը, բացառությամբ վեցի, օգտագործում են արտասահմանյան բորսաներ. 220-ից առնվազն 56%-ը օգտագործում է արտասահմանյան բորսաներ: «Այս երևույթը արտացոլում է Կոնգրեսի դեմոկրատների մտահոգությունները արժույթի խթանման բարոյականության վերաբերյալ, ինչպես նաև հարցեր է առաջացնում գովազդային ընթրիքի մասնակիցների վերանայման վերաբերյալ»,- ասված է հոդվածում։
Bloomberg-ը վերլուծել է մի շարք ցուցանիշներ և հանգել եզրակացության, որ թրամփքոյնի շատ խոշոր տիրապետողներ գրանցված չեն եղել, և խոշորագույն գնորդների կեսից ավելին օգտագործել է արտարժույթի գործարքներ:
