Պարսից ծոցը վերանվանելու ծրագիրը թշնամական քայլ է. Իրանի արտգործնախարար
ԱՄՆ նախագահ Դոնալդ Թրամփի՝ Պարսից ծոցն Արաբական վերանվանելու ծրագրերը քաղաքականապես մոտիվացված և թշնամական քայլ են Թեհրանի նկատմամբ։ Այս հայտարարությունն արել է Իրանի արտգործնախարար Աբբաս Արաղչին:
Ինչպես ավելի վաղ հայտնել էին ԶԼՄ-ները, Թրամփը մտադիր է հաջորդ շաբաթ Սաուդյան Արաբիա կատարած այցի ընթացքում հայտարարել, որ ԱՄՆ-ն Պարսից ծոցն Արաբական կկոչի:
«Այս կապակցությամբ ցանկացած անհեռատես քայլ չի լինի իրավաչափ, լեգիտիմ և չի ազդի աշխարհագրության վրա, այլ միայն բոլոր իրանցիների զայրույթը կառաջացնի», – գրել է Իրանի արտգործնախարարը X սոցցանցում:
Միևնույն ժամանակ նա հույս է հայտնել, որ Պարսից ծոցի մասին անհեթեթ լուրերը ոչ այլ ինչ են, քան ապատեղեկատվական արշավ, որն իրականացվում է «հավերժական մարտիկների» կողմից՝ ամբողջ աշխարհի իրանցիներին զայրացնելու համար:
Հիշեցնենք, որ հունվարի վերջին Թրամփը Մեքսիկական ծոցը վերանվանեց Ամերիկյան, իսկ Ալյասկայի Դենալի գագաթը՝ Մակ Քինլի:
The name Persian Gulf, like many geographical designations, is deeply rooted in human history. Iran has never objected to the use of names such as the Sea of Oman, Indian Ocean, Arabian Sea, or Red Sea. The use of these names does not imply ownership by any particular nation, but… pic.twitter.com/PQjUiph4qt
— Seyed Abbas Araghchi (@araghchi) May 7, 2025
