Տպավորիչ է, որ ԼՂ-ն կորցնելուց հետո շարունակում եք մնալ վարչապետ․ էստոնացի լրագրողը՝ Փաշինյանին
2018թ. իշխանափոխության օրերին Հայաստանում տեղի ունեցող զարգացումները լուսաբանած էստոնացի լրագրողը տպավորված է, որ Արցախը կորցնելուց հետո Նիկոլ Փաշինյանը շարունակում է մնալ Հայաստանի վարչապետ։
Այս մասին լրագրողն այսօր բարձրաձայնեց Էստոնիայում գտնվող Նիկոլ Փաշինյանի և Էստոնիայի վարչապետ Քրիստեն Միչալի համատեղ ասուլիսի ժամանակ։
«Այսօր իրավիճակն այնպիսին է, որ Լեռնային Ղարաբաղն այլևս Հայաստանի վերահսկողության ներքո չէ, բայց դուք շարունակում եք մնալ վարչապետ, դա տպավորիչ է»,-ասաց լրագրողը։
Էստոնացի լրագրողի դիտարկմամբ՝ Փաշինյանը հիմա Մոսկվայի հետ շփումներում այլևս ստիպված չէ զգուշավոր լինել իր բառերի մեջ։ Նա ուղիղ հարցրեց Փաշինյանին՝ արդյո՞ք պատրաստ եք դուրս գալ ՌԴ ազդեցության գոտուց և ինչպե՞ս եք տեսնում հետագայում ձեր հարաբերությունները ՌԴ հետ։
Ի պատասխան՝ Փաշինյանը նշեց, որ դիվանագիտության մեջ և միջազգային հարաբերություններում միշտ ճիշտ է ընտրել բառերը․
«Ցանկացած հարաբերություն կփչանա, եթե բառերի ընտրության մեջ ուշադիր չլինենք։ Ինչ վերաբերում է ՌԴ հետ մեր հարաբերություններին, դրանք հիմնվում են և պիտի հիմնվեն փոխադարձ հետաքրքրությունների վրա։ Եթե տեղյակ եք, մենք որդեգրել ենք բալասավորված և բալանսավորման արտաքին քաղաքականություն, ինչը նշանակում է, որ մենք մեր արտաքին քաղաքականությունը չենք պատկերացնում և չենք կառուցում մի ուղղությամբ։ Դրա արտահայտություններից մեկը վերջերս ՀՀ-ում ընդունված օրենքն է ԵՄ-ին անդամակցելու գործընթացի մեկնարկը տալու վերաբերյալ։ Այդ օրենքը մենք դիտարկում ենք նաև որպես լրացուցիչ խթան՝ մեր ժողովրդավարական բարեփոխումների համար»։
Մանրամասները՝ տեսանյութում
