Սալոմե Զուրաբիշվիլին ելույթ կունենա Չեխիայի Սենատում
Վրաստանի նախկին նախագահ Սալոմե Զուրաբիշվիլին մեկնիել է Չեխիա։ Ըստ Զուրաբիշվիլիի մամուլի ծառայության հաղորդագրության` նախատեսված են հանդիպումներ քաղաքական բարձրաստիճան պաշտոնյաների հետ։
Վրաստանի հինգերորդ նախագահը Չեխիայի Սենատում ելույթ կունենա այսօր՝ ապրիլի 9-ին, իսկ ելույթից հետո նախատեսված է նրա հանդիպումը Սենատի նախագահի և Սենատի անդամների հետ։
«Պրահայում Վրաստանի հինգերորդ նախագահը կայցելի Վացլավ Հավելի գրադարան, որտեղ մի շարք հանդիպումներ կանցկացվեն ինչպես գրադարանի տնօրենի և նրա թիմի անդամների, այնպես էլ հասարակական կազմակերպությունների, լրագրողների և հետազոտական կենտրոնների ներկայացուցիչների հետ: Հարցուպատասխանի ձևով վերլուծաբանների հետ հանդիպումը կվարի գրադարանի տնօրենը:
Նախատեսված են Սալոմե Զուրաբիշվիլիի հետ հարցազրույցներ միջազգային լրատվամիջոցների հետ»,- նշված է հաղորդագրության մեջ։
