ԿԳՄՍ նախարարի՝ սպորտի գծով տեղակալ է նշանակվել Հասմիկ Ավագյանը
Նիկոլ Փաշինյանի որոշմամբ՝ Հասմիկ Ավագյանը նշանակվել է ԿԳՄՍ նախարարի տեղակալ: «Ղեկավարվելով «Հանրային ծառայության մասին» ՀՀ օրենքի 9-րդ հոդվածի 1-ին մասով՝ Հասմիկ Ավագյանին նշանակել ԿԳՄՍ նախարարի տեղակալ»,- նշված է Փաշինյանը ստորագրած որոշման մեջ:
Նա համակարգելու է սպորտի ոլորտը:
ԿԳՄՍ նախարարությունից հայտնում են, որ Հասմիկ Ավագյանը մանկավարժական գիտությունների թեկնածու է, մասնագիտությամբ` ֆիզկուլտուրայի ուսուցիչ, մարզիչ:
Աշխատել է Հայաստանի ֆիզիկական կուլտուրայի և սպորտի պետական ինստիտուտում` որպես դասախոս, եղել է հասարակական և հումանիտար գիտությունների ամբիոնի վարիչը, ինստիտուտի ուսումնագիտական գծով պրոռեկտորը:
