Բյուջեից 247 միլիոն դրամ կվճարեն՝ ԵՄ-ի հետ լեզու գտնելու ձևերը սովորելու համար

Հայաստանի Կառավարությունը, իր համար սահմանված առաջնահերթություններից ելնելով, պահուստային ֆոնդից հերթական հսկայական գումարն է հատկացրել՝ այս անգամ ՀՀ-ԵՄ հարաբերությունները զարգացնելու նպատակով։

Կառավարության պահուստային ֆոնդից Փաշինյանի աշխատակազմին է հատկացվել 247 միլիոն 857.000 դրամ՝ Հայաստանի և ԵՄ հարաբերությունների ամրապնդման նպատակով փորձագիտական ծառայություններ ձեռք բերելու նպատակով։

Ուշագրավ է, որ Ֆինանսների նախարարությունը Կառավարության այս որոշման վերաբերյալ իր դիրքորոշումը ներկայացրել է գաղտնի ընթացակարգով։

Մոտ 248 միլիոն դրամի Կառավարությունը խորհրդատվական և վերլուծական ծառայություններ կգնի, թե որ կազմակերպություններից, դա ևս գաղտնիք է։