Ադրբեջանի իշխանությունները չեղարկել են Bloomberg-ի հավատարմագրումը
Ադրբեջանում Bloomberg լրատվական գործակալության թղթակցային հավատարմագրումը չեղարկվել է: Դրա մասին հայտնել է ադրբեջանական Report-ը՝ վկայակոչելով աղբյուրը։
Փետրվարի կեսերին չեղարկվել էին Ադրբեջանում BBC-ի և Sputnik-ի ներկայացուցչությունները, ինչպես նաև «Ամերիկայի ձայն» ռադիոկայանի թղթակցային հավատարմագրումը։
ՌԴ ԱԳՆ պաշտոնական ներկայացուցիչ Մարիա Զախարովան այսօր՝ փետրվարի 27-ին, ճեպազրույցում հայտարարել է, որ Ռուսաստանը կապի մեջ է Ադրբեջանի հետ՝ «Россия Сегодня» միջազգային մեդիա խմբի Sputnik գործակալության ներկայացուցչությունը փակելու թեմայով և Բաքվից կառուցողական պատասխան է ակնկալում։
