«Արմենիա» ԲԿ-ի պատուհանից պացիենտը նետվել է և մահացել
Ողբերգական դեպք է այս գիշեր տեղի ունեցել Երևանում: Ժամը 01:15-ի սահմաններում ոստիկանության Մաշտոցի բաժնում օպերատիվ տեղեկություններ են ստացվել, որ «Արմենիա» բժշկական կենտրոնի բակում տղամարդու դի կա: Այս մասին հայտնում է shamshyan.com–ը։
Դեպքի վայր մեկնած ոստիկաններն ու պարեկները նշված բժշկական կենտրոնի բակում հայտնաբերել են բուժառու, Կոտայքի մարզում հաշվառված 61-ամյա Գարեգին Ա-ի դին:
Ըստ նախնական տեղեկությունների՝ վերջինը նշված բժշկական կենտրոնի 5-րդ հարկի պատուհանից իրեն նետել է: Դեպքի փաստով քննչական բաժնում նախաձեռնվել է քրեական վարույթ:
Գագիկ Շամշյանի տեղեկություններով՝ մահացածը Արցախի Հանրապետությունից էր բռնագաղթել, բուժում էր ստանում նշված բժշկական կենտրոնում:
