Էրդողանի գլխավորությամբ կգումարվի կառավարության նիստ
Փետրվարի 24-ին Թուրքիայի նախագահ Ռեջեփ Թայիփ Էրդողանի գլխավորությամբ կգումարվի կառավարության նիստ։ Այս մասին տեղեկացնում է ermenihaber.am-ը։
Նիստի ընթացքում օրակարգային հարցերի թվում կլինեն տնտեսության վերաբերյալ հարցեր, ռուս-ուկրաինական պատերազմը և իրավիճակը Սիրիայում ու Գազայում։ Ակնկալվում է, որ կքննարկվեն Ռուսաստանի և Ուկրաինայի միջև հնարավոր խաղաղ բանակցություներում Թուրքիայի դերի հետ կապված հարցեր։
Նախատեսվում է, որ վերջին շրջանում սկսված գնաճի նվազման գործընթացից բացի կքննարկվեն Կենտրոնական բանկի կողմից տոկոսադրույքների իջեցման ազդեցությունները տնտեսության վրա:
