Սերգեյ Լավրովը ժամանել է Թուրքիա
Ռուսաստանի արտաքին գործերի նախարար Սերգեյ Լավրովն այցով ժամանել է Թուրքիայի մայրաքաղաք, տեղեկացնում է РИА Новости-ն։
Անկարա կատարած այցից մի քանի օր առաջ նախարարը եղել է Հարավային Աֆրիկայի Հանրապետությունում, որտեղ G20 նախարարական համաժողովի շրջանակում հանդիպել է Թուրքիայի արտգործնախարար Հաքան Ֆիդանի հետ՝ ի թիվս այլ հարցերի, քննարկելով Ռուսաստանի և ԱՄՆ-ի միջև խորհրդակցությունների արդյունքները, Ուկրաինայի և Սիրիայի շուրջ բանակցային գործընթացները։
Ակնկալվում է, որ Լավրովը կշարունակի քննարկել միջազգային իրավիճակի, ինչպես նաև երկկողմ հարաբերությունների տարբեր հարցեր։
