Բողոքի ակցիա՝ Վաշինգտոնում Ադրբեջանի դեսպանատան առջև

Վաշինգտոնում ՀՅԴ երիտասարդները հայ համայնքի հետ միասին բողոքի ակցիա են կազմակերպել Ադրբեջանի դեսպանատան առջև՝ դատապարտելու համար Սումգայիթի, Բաքվի, Կիրովաբադի և Մարաղայի զանգվածային ջարդերի 37-րդ տարելիցը։

Համայնքի անդամները հավաքվել էին՝ պահանջելու միջազգային հանրությունից քայլեր ձեռնարկել Ադրբեջանի պատասխանատվության ենթարկման համար՝ Արցախում իրականացված էթնիկ զտումների, ինչպես նաև հայ ռազմագերիների ազատ արձակման կապակցությամբ։

Բողոքի ակցիայի ժամանակ մասնակիցները պահանջել են նաև ազատ արձակել Բաքվում գտնվող հայ ռազմագերիներին։