ԱՄՆ-ն Մեքսիկայից պահանջում է մաքսատուրքեր սահմանել չինական ապրանքների վրա. Bloomberg
Վաշինգտոնի վարչակազմը Մեքսիկայից պահանջել է ներմուծման մաքսատուրքեր սահմանել Չինաստանի ապրանքների վրա՝ սեփական արտադրանքը ամերիկյան սահմանափակումներից պաշտպանելու համար։ Այս մասին հայտնում են Bloomberg գործակալության աղբյուրները։
Նրանց տեղեկություններով, այս սխեմայի մասին հայտնել է ԱՄՆ առևտրի նախարար Հովարդ Լաթնիկը Մեքսիկայի էկոնոմիկայի նախարար Մարսելո Էբրարդի հետ փետրվարի 20-ին Վաշինգտոնում կայացած բանակցությունների ժամանակ։
Աղբյուրները չեն հստակեցրել, թե ինչպիսին է եղել Էբրարդի արձագանքը հանդիպման ժամանակ, սակայն ավելի ուշ X-ում նա գրել է «կառուցողական երկխոսության սկզբի» մասին և հայտարարել փետրվարի 24-ից համատեղ աշխատանքի մեկնարկի մասին։
Հանդիպմանը ամերիկյան կողմից ներկա են եղել նաև առևտրային բանակցություններում ԱՄՆ ներկայացուցչի թեկնածու Ջեյմիսոն Գրիրը և Ազգային տնտեսական խորհրդի ղեկավար Քևին Հասեթը։
