Փարիզում ընթանում է ուկրաինական հակամարտությանը նվիրված երկրորդ գագաթնաժողովը

Փարիզում ընթանում է ուկրաինական հակամարտության վերաբերյալ՝ վերջին մի քանի օրվա ընթացքում երկրորդ գագաթնաժողովը։

Ֆրանսիայի նախագահ Էմանուել Մակրոնը Փարիզի Ելիսեյան պալատում ողջունել է Կանադայի, Նորվեգիայի, Լիտվայի, Էստոնիայի, Լատվիայի, Չեխիայի, Հունաստանի, Ֆինլանդիայի, Ռումինիայի, Շվեդիայի և Բելգիայի ղեկավարներին՝ Ուկրաինայի անվտանգությանը և հակամարտությանը նվիրված երկրորդ հանդիպման համար։

Հիշեցնենք, որ փետրվարի 17-ին եվրոպական երկրների ղեկավարները Փարիզում արտակարգ գագաթնաժողով են անցկացրել՝ քննարկելու համար՝ ինչպես վարվել ԱՄՆ նախագահ Դոնալդ Թրամփի վարչակազմի՝ Մոսկվայի հետ առանց Եվրոպայի մասնակցության բանակցություններ վարելու մտադրության առնչությամբ։