Ալեն Սիմոնյանի եղբայրը 2021թ. մինչև 2024 թ. կառավարությունից շահել է ընդհանուր առմամբ 343 մլն դոլարի պայմանագրեր. Զարոկյան
Երևանի ավագանու անդամ Պեդրո Զարոկյանը ֆեյսբուքյան իր էջում տարածել է այս պատճեները՝ գրելով.
«Այսօր Armlur-ը տեղեկացրեց, որ Ալեն Սիմոնյանի եղբայրը սնանկության միջոցով փակել է իր «ԵվրոԱսֆալտ» ընկերությունը։ Հարց առաջացավ, թե ինչու է նա փակում այդքան գերշահութաբեր բիզնեսը, և ես մտա Armeps.am՝ տեսնելու, թե որքան պայմանագրեր է նա շահել կառավարությունից, և աչքերիս չէի հավատում։
Կառլեն Սիմոնյանի ընկերությունը 2021 թվականից մինչև 2024 թվականը կառավարությունից շահել է ընդհանուր առմամբ 133.859.823.538 դրամ կամ 343 մլն դոլարի պայմանագրեր։
Անգլերենում կա մի լավ ասացվածք, որն ասում է «հրաժարվիր, քանի դեռ առաջ ես»։
Որպեսզի թվերի վերաբերյալ հարցեր չլինեն, ես ստորև տեղադրում եմ պայմանագրի ճշգրիտ մանրամասները»:
