Էդուարդը պետք է պատրաստ լինի աշխատավարձի նվազմանը․ Սեննիկովը՝ Սպերցյանի հնարավոր տեղափոխության մասին
Ռուսաստանի հավաքականի նախկին ֆուտբոլիստ Դմիտրի Սեննիկովը «РБ Спорт»-ի հետ զրույցում մեկնաբանել է «Կրասնոդարի» կիսապաշտպան Էդուարդ Սպերցյանի հնարավոր տեղափոխությունը «Լիդս»։ Այս մասին գրում է armsport.am-ը:
Ինչպես հայտնում է «Чемпионат»-ը, «Կրասնոդարը» պատրաստ է ամռանը բաց թողնել Սպերցյանին անգլիական «Լիդս»։ Տրանսֆերի գումարը կարող է կազմել 12 միլիոն եվրո։ «Լիդսի» գլխավոր մարզիչն է Դանիել Ֆարկեն, որը 2022 թվականի հունվարից մինչև մարտ աշխատել է «Կրասնոդարում»։
— Սպերցյանը պետք է դիտարկի «Լիդս» տեղափոխվելու տարբերակը, — ասել է Սեննիկովը։ — ԱՊԼ-ում խաղալը յուրաքանչյուր ֆուտբոլիստի երազանքն է։ «Լիդսում» ստեղծված կլինեն բոլոր պայմանները ֆուտբոլի համար։ Կարևորն այն է, որ Էդուարդն ինքը պատրաստ լինի աշխատավարձի նվազմանը։
— Սպերցյանը հիմնական կազմի խաղացող կլինի՞ «Լիդսում»։
— Էդուարդը լավ ֆուտբոլիստ է։ Թիմը կձևավորվի ԱՊԼ-ի համար։ Սեզոնի սկզբում Սպերցյանը կարող է լավ ներգրավվել այնտեղ։ Արագություններն այլ կլինեն, բայց Էդուարդը կհարմարվի։
Ընթացիկ մրցաշրջանում Էդուարդ Սպերցյանը «Կրասնոդարի» կազմում անցկացրել է 25 հանդիպում բոլոր մրցաշարերում, խփել 6 գոլ և կատարել 3 գոլային փոխանցում։ Նրա պայմանագիրն ակումբի հետ ուժի մեջ է մինչև 2026 թվականի հունիսի վերջը։
