Հայ ատլետները ոսկե և արծաթե մեդալներ են նվաճել Բալկանյան խաղերում
Հայաստանի ներկայացուցիչ վազորդ Երվանդ Մկրտչյանը դարձել է ատլետիկայի Բալկանյան փակ առաջնության չեմպիոն: Նա հաղթել է 1500 մետր մրցավազքում՝ ցույց տալով 3:49.82 արդյունք: Մկրտչյանն առաջ է անցել Սլովենիայի և Թուրքիայի մրցակիցներից՝ Անջեյ Բլոգից եւ Իբրահիմ Էրատից։
Եվս մեկ հայ մարզիկ՝ Գոռ Հովակիմյանը, եռացատկում գրավել է երկրորդ տեղը՝ ցույց տալով 16,10 մ արդյունք:
Բալկանյան երկրների առաջնությունը մեկնարկել է փետրվարի 15-ին Բելգրադում:
Հայաստանը մրցաշարում ներկայացնում են յոթ աթլետներ ՝ Երվանդ Մկրտչյան (վազք), Ռազմիկ Ղազարյան (եռացատկ), Գոռ Հովակիմյան (հեռացատկ, եռացատկ), Սամվել Գևորգյան (վազք), Միլենա Գրիգորյան (վազք), Յանա Սարգսյան (հեռացատկ, եռացատկ), Իզաբելլա Առաքելյան (հեռացատկ):
