Աբխազիայում նախագահական ընտրությունների երկրորդ փուլը կանցկացվի մարտի 1-ին

Աբխազիայի Կենտրոնական ընտրական հանձնաժողովը հրապարակել է փետրվարի 15-ին անցկացված նախագահական ընտրությունների նախնական արդյունքները։

Բադրա Գունբան ստացել է ձայների 46,38%-ը (45 805 մարդ), Ադգուր Արձինբան՝ 36,92%-ը (36 476 մարդ), Ռոբերտ Արշբան՝ 7,54%-ը, Օլեգ Բարցիցը՝ 4,04%-ը, Ադգուր Խուրխումալը՝ 0,97%-ը։

Աբխազիայի Կենտրոնական ընտրական հանձնաժողովի տվյալներով, քվեարկությանը մասնակցել է գրեթե 99 հազար մարդ։

Աբխազիայում նախագահական ընտրությունների կրկնակի քվեարկությունը տեղի կունենա մարտի 1-ին։

Բադրա Գունբան և ընդդիմադիր Ադգուր Արձինբան անցել են ընտրությունների երկրորդ փուլ։

Աբխազիայի նախկին նախագահ Ասլան Բժանիան հրաժարական էր տվել նոյեմբերի 19-ին Սուխումում չորս օր շարունակվող ընդդիմության ցույցերից հետո։