Հայաստանից Կատար աշխատանքի մեկնողների համար ընթացակարգը կպարզեցվի

ՀՀ կառավարությունն այսօրվա նիստում հավանություն է տվել Կատարում իր աշխատանքային միգրանտների իրավունքների մասին համաձայնագրին։

2024 թվականի սեպտեմբերին Երևանում ՀՀ աշխատանքի և սոցիալական հարցերի նախարար Նարեկ Մկրտչյանի և Կատարի աշխատանքի նախարար Ալի բին Սամիհ ալ-Մարրիի ստորագրած համաձայնագրի համաձայն՝ ՀՀ կառավարությունը պարտավորվում է պարզեցնել Կատարում աշխատել ցանկացող քաղաքացիների համար ելքի փաստաթղթերի ստացման գործընթացը։ Նրանց կտրամադրվի նաև այս երկրում իրենց գտնվելու և աշխատանքային իրավունքների մասին ողջ անհրաժեշտ տեղեկությունը:

ՀՀ կառավարությունը նաև կհաստատի, որ մեկնողները գործատուի կողմից ստորագրված և Կատարի աշխատանքի նախարարության կողմից հաստատված աշխատանքի թույլտվություն ունեն։

Կողմերը կհետևեն նաև Կատար աշխատանքի մեկնած ՀՀ քաղաքացիների իրավական պաշտպանությանը։