Թրամփը հայտնել է կառավարությունում միլիարդավոր դոլարների վատնման մասին
ԱՄՆ կառավարությունում միլիարդավոր դոլարների խարդախություններ, յուրացումներ և չարաշահումներ են հայտնաբերվել:
Այս մասին Truth Social սոցցանցում գրել է ԱՄՆ նախագահ Դոնալդ Թրամփը՝ նշելով, որ հետաքննությունը կշարունակվի:
«Մեր կառավարության հետաքննության ընթացքում արդեն հայտնաբերվել են միլիարդավոր դոլարների խարդախություններ, յուրացումներ և չարաշահումներ », – գրել Է Թրամփը:
Նրա խոսքով՝ այժմ ակտիվիստներն ու քաղաքականացված դատավորները ցանկանում են դանդաղեցնել կամ կասեցնել այս գործընթացը: ԱՄՆ նախագահը հայտարարության մեջ կոչ է արել նույն տեմպով շարունակել աշխատանքները։
